Friday, October 9, 2009

MAA (FILMO KI MAA)

aj kal ki movie mein Maa Ka dialogue “


arey mujhe zyada pareshan mat karo, agar tum nahi hate to main papa ko btaungi, wo phir bahut maarenge”.



Aur pehle ke movies mein maa ye nahi kehti thi, ki papa aayenge, wo maarenge, main btaungi, khud hi do teen zor se tha tha tha…bacha poori movie mein nahi bolta.




2.)Aajkal ki maa bache ko doctor, eng, vakeel banana chahti hai



aur pehle ki maa.... problems hi itni khadi kar deti hain ki bache ko daaku ya chor banna hi padta tha.



Kaise.....aagey pado...



Maa apne sharabi pati se ladai karti hai, pati maarne aata hai, phir bacha bechara kab tak dekhe, haar ke wo bachane aata hai, baap par haath uthata hai, maa ko agar pta hai ki pati sharabi hai, usne peeni hi peeni hai, phir kyun panga leti hai usse, aur sabse badi baat pehle ki maa ko pta hai, khane ko ghar mein kuch nahi hai aur dawai ke kharche ke liye agar uska poora parivaar raat din kaam kare phir bhi saal ke 15 ya 20 rupye ikkathe honge, phir bhi wo bimar hoti hai, usko kisne kaha tha ki baarish mein kaam karein, aur raat ke 2-2 baje tak, roti ke pone ko si si kar bimaar ho.


Ab panga to bechare bache pe aa gaya. Wo dawai ki dukan par jayega, bolega mujhe dawai de do, meri maa bohut bimaar hai. dawai wala bolega koi bimaar hota hai, tabhi humare paas aata hai, kundliyan milvane thode aata hai. hain.. paise do, dawai lo… bacha bolta hai, paise to hai nahi, wo use bhaga deta hai. bacha usi dukaan se dawai ki botal utha leta hai, aur dekho bacha kitna samjhdaar hai ki use pta hai, ki yahi dawai chahiye.


Aur dukaandar dekho, 20 rupye ki dawai ke peeche, lakhon ki dukaan chodh kar bhagta hai, uske peeche, chor chor kehta hua bhagta hai.



aur bache ki wajah se hi maa kai baar swarg sidhaarti thi, maa ko normal khansi hoti thi aur wo navratna tel dawai samajh kar utha kar bhag jaata hai. aur us sheeshi ko bina chamach ke sidha maa ke muh mein laga ke kehta hai, “Pi maa Pi” aur wohi jakar maa ke kidney mein reaction karta hai.



Iske ilaava, aapko jo lagta hai, vo comment karo or btao kiss tarha bache ko chor banane mein ma ka kya yogdaan tah

Reactions:
Posted on by Abhishek Jain | 2 comments

2 comments:

  1. hehehhe....:-)
    wat a post yaar....kaha se aa jata hai dimag mai ye sab tmhare...:-P....vo dukandar wala point to mast tha...:-P

    ReplyDelete
  2. Good fill someone in on and this post helped me alot in my college assignement. Thanks you on your information.

    ReplyDelete